ياكنيستنا يا أم الشهداء اللى أحبوا الرب بجد قدموا له كل حياتهم فرحانين باكاليل المجد والرهبان ماليين الصحرا حب وعشق فى رب المجد اللى احب عبيده وقدم جسده ودمه ذبيحة حب
يا صخرة الايمان يا ثابته مهرك دا حب ودم و وعد باب الجحيم لن يقوى عليكى حارسل فاديك لاخر الدهرغرس الايمان فيكى مارمرقس يا قبطية اصيلة بجد على كرسيه قام أثناسيوس يحمى الايمان من لعبة أريوس
يا سلم يعقوب يا واصله بين الارض وبين المجد زى دجاجة وضامه ولادك وسط العالم أنت الفلك أجرى فاتح حضنى وأضمك وانت حاضنه الروح والقلب حبك دا نبضى فى قلبى يا أمى مهما أبعد شرق وغرب
فى المعمودية نموت جواكى ونقوم ونعيش للرب بجد وكل يوم ع المذبح ناخذ جسده ودمه ذبيحة شكر ولما الخطية تقوى علينا نجرى عليكى وناخذ الحل نتحل من خطايانا وننهض فى اعمال صالحه ترضى الرب
للشرق دايما رافعه عنيكى وعده الامين قالك انا جاى على سحاب المجد يزفك يا صابره وشاكره عريسك حى يا ويله اللى اّذاكى بكلمه أو مد عليكى معاول الشر ويا هناه اللى يعيش جواكى يلاقيكى فى ضيقته نجدة وبر